Financial assistance para sa mga LGU frontliners sa kabanwahanan

Siyudad sang Roxas—Ginpangunahan ni Gov. Esteban Evan Contreras kag ni Mambusao Mayor Leodegario Labao Jr.—ang LGU focal person on Anti-Inter-agency Task Force (AITF) for COVID-19 kag presidente sang League of the Municipalities of the Philippines Capiz Chapter—ang pagpanagtag sang mga tseke nga nagabalor sang tig 100,000 sa bug-os nga munisipyo para sa LGU frontliners.

Daku ang pagpasalamat sang mga mayor sa kada munisipyo kay suno sa ila, dako ini nga bulig para sa ila banwa ilabi na gid sa mga nagatrabaho sa pagpakigbato batuk sa COVID-19.

Maluwas sa 16 ka munisipyo, gindul-ungan man ni Contreras kag Labao ang Roxas City government sang pareho man nga balor sang tseke kag ginpasalamatan man ini ni Mayor Ronnie Dadivas.

Sa masunod nga semana, suno sa gobernador, nga kon matapos na ma-process ang mga tseke, pagalauman naman sang bug-os nga barangay sa probinsya sang Capiz ang iya bulig nga tag-Php5,000 para sa ila mga frontliner—kag dugang nga 1 million para sa mga household sang municipyo.