Importante nga Kaundan sang E.O. 12

Importante nga Kaundan sang E.O. 12

Siyudad sang Roxas—Umpisa 12:01 a.m. sang March 25, 2020, ipatuman na ang Executive Order No. 12, series of 2020 nga ginpirmahan ni Gov. Esteban Evan Contreras nga nagamando nga ipaidalum ang bug-os nga probinsya sang Capiz sa Enhanced Community Quarantine (ECQ).

 

 

Buot silingon nga kita tanan ginamanduan sang gobyerno nga magtiner sa sulod sang aton panimalay kag indi na magwa pa agud malikawan ang paglapta sining salot nga kagaw ukon gintawag nga Corona Virus Acute Respiratory Disease-2019 ukon COVID-19.

 

 

Sandig sini nga mandu, magdesignar na lang kita sang isa lang katawo halin sa sulod sang inyo panimalay kag isumitir ang iya pangalan sa inyo barangay opisyal agud makakuha siya sang Identification Card (ID) nga ginatawag nga Home Quarantine Pass.

 

 

Ang Home Quarantine Pass amo ini ang imo ipakita sa nagabantay dira pagwa kag pasulod sang inyo barangay. Siya amo magwa sa inyo balay agud magpanindahan ukon magtransaksyion sa bangko kag iban pa ninyo nga kinahanglanon.

 

Kon wala kamo sini nga ID, indi ikaw pagtugutan nga magwa sa inyo balay.

 

Igasara man ang tanan nga private establishment magluwas lang sa mga masunod: water refilling station, supermarket, sari-sari store, grocery store, convenience store, bakeshop, restaurant, fast-food chain kag mga food stall (pero para lang mag take-out kag indi puwede nga dira makaon).

 

 

Exempted man ang mga masunod—establishments providing health services, establishments for processing and storage of basic food products and health needs; gasoline stations; funeral and crematory services; agriculture supply stores; media establishments kag BPO.

 

 

Sakop man sang EO ang pagpatuman sang 24-hour nga curfew para sa mga masunod: mga senior citizen edad 65-pataas; may mga ginabatyag pareho sang cardiovascular diseases, diabetes, cancer kag chronic lung disease; kag mga estudyante nga nasa kindergarten, elementary, junior high school, senior high school, technical and vocational schools kag college.

 

Exempted naman sini nga curfew ang mga masunod: mga senior citizen nga mapa-checkup; students nga may ID for volunteer DRR or medical-related work; law enforcers; persons of emergency health situations; government employees; health workers; workers of MRWD, NGCP, Capelco, CEET, R-CERT, Red Cross and media personnel; and persons working during curfew hours and those delivering goods.

 

Ginahinyo gid sang gobernador ang aton bug-os nga kooperasyon nahanungod sa patakaran nga ini kay ini lang ang pamaagi agud mali kawan ta ang COVID-19.