Senior Pensioners’ Day sadtong September 6, 2024 kag ginsaulog sang Social Security System
(SSS-Capiz).
Ang tagdumalahan sang SSS-Capiz paagi kay Manager Rene Gonzales naghanda sang libre nga
serbisyo para sa senior pensioners sa CityMall, Roxas City.
May libre nga manicure kag pedicure sa bulig sang CAPSU.
May libre nga masahe sa kaalwan sang TESDA.
Luwas sina, may libre man nga meryenda kag panyaga.
Nag hinugyaw ang mga senior pensioner bangod sa mga regalo, lakip ang 10 ka consolation
prizes nga tag P7,500 kada isa.
Mga dinapit nga bisita sini nga okasyon amo ang mga opisyal sang SSS: Executive Vice
President Elvira Alcantara-Resare kag Senior Vice President Helen Solito.
Ila ginpanugyan sa mga senior pnsioner nga mintinahon ang mapagsik nga lawas paagi sa pag
ehersisyo, kag pagkaon nga makabulig sa ikaayong lawas.
Lunsay positibo ang mga panugdaon sang mga senior pensioner bangod sa maayo nga pag-
amoma sa ila sang mga emplyado sang SSS-Capiz.
Diri sa Capiz, may tatlo ka senior pensioner nga ang edad kapin 90 anyos.
Ang pinakataas nga pension P31,000 samtang ang pinakanubo P2,000.
Kadamoan nga pension P4,000 kada bulan pero depende sa kantidad nga ginhulog bilang
kontribosyon.
Sa pihak nga bahin, padayon ang kampanya sang SSS-Capiz sa mga negosyo nga e-rehistro ang
ila emplyado sa SSS.
