Isa ka suspek ang nadakpan bangud sa ginaalegar nga paglapas sa Republic Act (RA) 10591 (Comprehensive Firearms and Ammunition Regulation Act) kag RA 9516 (Illegal Possession of Explosives) kagaina mga 6:25 sang aga sa Sitio Narra, Barangay Punta Tabuc, Roxas City.
May search warrant kontra sa suspek bangud nakabaton impormasyon ang mga pulis sang mga alegasyon nga ang suspek inbolbado sa indi legal nga nagpalupok sang firearm kag wala kuno siya nagparehistro sang explosives.
Nakuha sa suspek ang isa ka .45 caliber Colt pistol nga may serial number 091969; isa ka magazine; pito ka round sang .45 caliber ammunition; kag isa ka hand grenade.
Ara sa sulod sang Roxas City Police Station ang suspek kag magatubang siya sa mga kaso sa paglapas sa mga nasambit nga layi.
(laragway halin sa CPPO)
