Nagabot na sa 898 ang kaso sang dengue sa probinsya sang Capiz para sa Morbidity Week 29 nga sakop ang mga petsa nga Enero 1, 2025 tubtob Hulyo 19, 2025, suno sa Provincial Health Office (PHO).
Dugang sang PHO nga may 13 ka barangay nga may clustering of dengue cases ukon ang saturation sang tatlo ukon sobra pa nga kaso sang dengue sa isa ka lugar sa apat nga sunod-sunod nga morbidity weeks.
Ang mga nasambit nga barangay ang:
*Brgy. Balucuan, Dao
*Brgy. Poblacion, Dumalag
*Brgy. Pawa, Panay
*Brgy. Casanayan, Pilar
*Brgy. Banica, Roxas City
*Brgy. Baybay, Roxas City
*Brgy. Cagay, Roxas City
*Brgy. Culasi, Roxas City
*Brgy. Dayao, Roxas City
*Brgy. Lanot, Roxas City
*Brgy. Lawa-an, Roxas City
*Brgy. Punta Tabuc, Roxas City
*Brgy. Tiza, Roxas City
Ang Roxas City ang may pinakadamo gihapon nga kaso sang dengue – 314. Pangaduha ang Tapaz nga may 112.
Kalabanan gihapon sang mga apektado ang mga kabataan nga 10 tubtob 19 anyos – 27.62% sang total nga numero sang dengue cases.
Inyo man makita ang latest case bulletins sang PHO.
