Malipayon nga ginbaton sang kapin sa 1,510 ka mga
mangunguma ang 5,000 pesos nga financial assistance pinaagi sa
Rice Farmers Financial Assistance (RFFA) program sang
Department of Agriculture.
Lakip sa mga benepisyaryo ang mga mangunguma nga may yara
sang tunga tobtob duha ka ektarya nga ulumhan kag apektado
sang pagnubo sang patubas sa ila tagsa ka ulumhan bangud sa
mga kalamidad kag iban pa nga kabangdanan nga nakaapekto sa
kita sang mga mangunguma.
Sa ginhatag nga mensahe ni Mayor Jose Jimbo Barruela,
ginpasalamatan niya ang Department of Agriculture,
Congresswoman Baby Jane Castro kag Governor Fredenil Castro
sa ila pagpatigayon nga makalab-ot sa banwa sang Dao ang amo
nga bulig pinansiyal.
Sa pihak nga bahin sa mensahe naman ni Governor Castro,
ginpahayag sini nga wala untat nga nagapaninguha ang iya
opisina para mahatag ang nagakaigo nga serbisyo sa mga
nagakadapat nga benepisyaryo.
Samtang, ginpanugyan naman ni Congreswoman Castro ang mga
benepisyaryo nga gamiton sa intsakto ang kwarta nga ila
mabaton para makabulig man sa ila pagpangabuhi.
