Sa 1,360 nga aplikante sa Mid-year Inter-school Job Fair sang Roxas City Government (pinaagi si Public Employment Services Office) nga ginhiwat sa Robinsons Place Roxas kagapon, Hulyo 11, 162 ang hired-on-the-spot (HOTS).
Sa 162 ka aplikante nga HOTS, 10 ang mga nominado sa Government Internship Program sang siyudad.
Ang kadam-an sang HOTS ang mga fresh graduates halin sa partner universities kag colleges sang siyudad para sa job fair pareho sang Capiz State University, Filamer Christian University, Colegio de la Purisima Concepcion, kag Hercor College.
Kaupod man sa job fair ang Overseas Workers Welfare Administration (OWWA). Nagpanagtag sang bulig pinansyal sang ahensya pinaagi kay Western Visayas Regional Director James Mendiola pinaagi sa 33 ka grants.
Naging parte sang job fair ang 28 ka kumpanya kag 10 ka ahensya sang gobierno nga naghatag sang ila nga mga serbisyo.
Sa pareho nga job fair, gintudluan man ang mga mangingisda ang paghimo sang hollow blocks kag gintudluan ang mga single parents kag housewives kung paano mag-pedicure.
(laragway halin sa PESO-Capiz)
