Nakabaton sang tag 50 ka binhi sang lubi ang 66 ka mangunguma halin sa 33 ka barangay sang Dumarao, Capiz kagapon, Hulyo 17, 2025 pinaagi sa programa nga “Kalubihan sa Kamaisan” sa Dumarao Civic Center.
Luwas sa paghatag sang alternatibo nga palangabuhianan, nakita man ang proyekto bilang tikang kontra sa pagbaha kag pag-us-os sang duta sa kabukiran.
Ang nasambit nga proyekto ang kolaborasyon sang gobierno probinsyal, sa pagpanguna ni Governor Fredenil Castro, kag Philippine Coconut Authority (PCA) – Region VI.
Magapanatag sang 7000 ka mga binhi sa Dumarao ang nasambit nga mga opisina sang gobierno.
Nagpakita man sang suporta ang mga opisyales halin sa sangguniang panlalawigan, munisipyo sang Dumarao, mga punong barangay sang Dumarao, kag si Provincial Coconut Development Manager Andy Laurilla sang PCA Capiz.
(Source: CPGCG)
