By Paula Jane Acta and Edith Colmo
SA 47 ka mga barangay sang Roxas City, ang Barangay 10 amo ang gindeklarar sang Department of Interior and Local Government (DILG) nga champion sa Upod Kita sa Pag-Excel Barangay (Excellence
in Local Governance Award) Barangay Category.
Ang seremonya sa pagpanagtag sang padya ginhiwat sa Roxas City Civic Center, Desyembre 5, 2022.
Ginbasihan sa pagpili sang mga “awardees” amo ang binuhatan sang tuig 2021 sang mga opisyal kag pomuluyo sang barangay, basi sa governance, social services, peace and order, disaster risk management, environment, kag vaccination.
Ang Barangay 10 ginkilala nga Best in Governance, Social Services, and Vaccination, gani nagbaton sing padya nga P100,000 luwas sa plaque of appreciation.
Second place amo ang Barangay Bago, nga ginkilala bilang Best in Peace and Order kag Disaser Risk Management. Nagbaton sing padya nga P50,000 kag plaque of recognition.
Samtang ang 3rd place amo ang Barangay Culajao, bilang Best in Environment, may padya nga P30,000 kag plaque of recognition.
Ikap-at tubtob ikanapulo ang ginpadyaan sing tag-P10,000 amo ang Barangay Lawa-an, 2, Barra, Mailibili, Baybay, Tanque kag Dayao.
Ang awarding ceremony ginsaksihan nanday DILGCapiz Officer Ginno Salamanca, Gob. Fredinel Castro, Roxas City Mayor Ronnie Dadivas, kag iban pa na opisyales.
Sa amo man nga seremonya, ginkilala sang DILG ang Top 10 Performing Sangguniang Kabataan nga amo ang masunod: Brgy. Libas, Lawaan, Dumulog, Baybay, Tanque, Milibili, Cogon, Punta Tabuc, Talon kag Culasi.*
