Si Michelle Narciso na ang bag-o nga Sangguniang Kabataan chairman sang Barangay Jaena Norte pagkatapos sang pag-resign kagapon (Hulyo 17) ni dating SK Chairman James E. Villasis bangud sa bag-o niya nga oportunidad sa trabaho.
Nagpanumpa na si Narciso kay Municipal Mayor Hon. Donnah T. Valdemar.
Ginsaksihan man nanday Vice Mayor Aran Vestidas, Liga President Raul Nepomuceno, kag ang mga ginikanan ni Naciso nga nanday Javier Gregorio Narciso kag Nissel Caballes Narciso ang nasambit nga pagpanumpa.
Gindayaw man ni Valdemar ang grupo sang SK sa Jaena Norte bangud sa ila performance kag pagiging aktibo.
Ginbuslan ni Narciso si Villasis, nga nakilala sa mga layi pareho sang Sangguniang Kabataan Cash Incentives Award (SKCIA) para sa board passers sang PRC kag Supreme Court; paghatag sang P500.00 nga financial assistance sa board takers nga naga edad 18-30 nga registered voter sang Barangay Jaena Norte; P500.00 para sa 1st to 4th year college students kada abri sang klase pinaagi sa iSKolar ni SK Ordinance, kag SK Thesis Financial Assistance Program.
Ang grupo nanday Villasis ang una nga mga opisyales nga may functional SK Hall kag reading center nga kumpleto ang computers, mga libro, kag mga board game.
Gin-pioneer man ni Villasis ang kabataan assembly kag linggo ng kabataan. Ginhimo man niya Gab-e sang pamatan-on para pasidunggan ang mga achiever. Nagpanagtag man siya sang financial assistance para sa mga basketball kag volleyball team.
(Source: LGU Jamindan)
