Ang banwa sang Jamindan sa pagpamuno ni Mayor Mac Valdemar
kag sa pagpanguna sang Municipal Nutrition Council (MNC),
naghiwat sang Nutrition Month Culmination kabahin sa 49th
Nutrition Month Celebration 2023 nga may tema “Healthy diet,
gawing affordable for all.”
Kabahin sa hilikuton, may ara man nga Vegetables, Fruits and
Delicacies Fair nga produkto sang aton mga mangunguma.
Barato, preska kag masustansya nga mga tulahon kag prutas ang
ginpilahan kag ginpamakal sang mga tumalambong. Diri makita
nga madamo gid ang mga produkto sa aton nga banwa mga
makasarang makasustiner sa kinahanglanon nga tulahon kag
prutas.
Nagdugang man ang ihibalo sang tanan sa lecture ni Dr. Rachel
Ang hanungod sa Nutrition kag importansya sang healthy diet.
Kabahin man sang sini nga selebrasyon ang Vegetable Garden
Contest sa pag-facilitate sang Office of the Municipal Agriculturist
kag diri nagbaton sang P18,000 total cash prizes ang mga
nagdaog.
Diri man ginsaysay sang Gawad Kalinga ang palaabuton nga
proyekto kag Memorandum of Agreement sa tunga sang
foundation kag LGU Jamindan para ma inisyar ang programa nga
“Kusina ng Kalinga Plus” nga magahiwat sang feeding program sa
eskuelahan.
Gina engganyo man ni Mayor Mac ang tanan nga magkaon sa
healthy nga pagkaon kaangay sang gulay kag prutas na
affordable na healthy pa. Dapat naton iprayoridad ang ikaayong
lawas para sa maayo nga bwas damlag sang tanan. (FB Jamindan
Today)
