Isa ka empleyado sang kapitolyo ang nakabaton sang Gantimpala Agad award halin sa gobierno probinsyal bangud sa pagbalik sang isa ka iPhone nga nadula sa tag-iya sini.
Si Meliton P. Apaitan sang Provincial Human Resource Management Office ang nagsiguardo nga mabalik ang iPhone kay Phoebe Alba.
Nakita ni Apaitan ang selpon sang Hunyo 25 pasado 12:45 sang hapon sa sulod sang isa ka tricycle.
Nabatian ni Apaitan ang ringtone sang cellphone kung sa diin nagsugod ang komunikasyon nila ni Alba kag ginasigurado niya nga nakaistorya niya gid man ang tag-iya.
Nagkadto si Alba sa Human Resource Management Office bangud sa hinyo ni Apaitan kung sa diin ginpasalamatan niya ang nasambit nga empleyado.
Ginhatag ang award kay Apaitan sa presensya nanday Atty. Arthur John H. Biñas, Provincial Administrator kag Chairman sang PRAISE Committee kag ni Atty. Luvim D. Amores, Provincial Information Officer kag concurrent Human Resource Management Officer.
(Ang mga laragway nakuha halin sa Capiz Provincial Government Communications Group.)
