Ginpasar sang Sangguniang Panlalawigan sang Capiz ang ordinansa nga nagadeklara sang kada ika-apat nga dominggo sang Nobyembre sang kada tuig bilang “Capiz Bicycle Day.”
Sa ika-62 nga regular session sang Sanggunian nga ginapamunuan ni Vice Governor James “Mitang” Magbanua, nangin unanimous ang mga katapo sang Provincial Board sa pag-aproba sang Ordinance No. 280, series of 2021. Ang ordinansa mas kilala sa “An Ordinance Declaring the Fourth Sunday of November of Every Year as Capiz Bicycle Day.”
Suno kay Magbanua, ang pag-biseklita epektibo nga transportasyon, kalingawan, kag isa ka sahi sang sport.
Dugang pa ni Magbanua nga ang pagbisikleta may dako nga bentaha kaysa iban nga salakyan tungod wala ini nagabuga sang pulusyon ukon magahod nga tunog, wala nagagamit sang gatong, kag labi sa tanan environment friendly.*
