NAGBATON sang insentibo kag pagkilala nagikan sa gobyerno probinsyal sang Capiz sa pagpanguna ni Governor Fredenil H. Castro ang ginatos nga mga Capiznon athletes, coaches kag trainers nga nangin
madinalag-on sa ginhiwat nga Western Visayas Regional Athletic Association (WVRAA) Meet, Palarong Pambansa, ASEAN Sea kag Asian Games 2023. Ang pagpanghatag sini ang sandig sa Ordinance No.006 Series of 2017, An Ordinance Granting Monetary Incentives for Capiz Athletes, Coaches and Trainers Excelling in Regional, National and International Athletics and Sports Competitions. Ini agud hatagan sang honor kag pagkilala ang mga atleta kag tagsa nila ka coaches kag trainers sa ila paghimud-os kag paghimakas agud makaangkon sang kadalag-an para Capiz. Sa ginhiwat nga distribusyon nga gin organisar sang CAPIS Secretariat kag 1st District Board Member Thea Faith Reyes- Chairman, Committee on Education sang damlag lang, 53 ka mga atleta ang nagkaangkon sang medalya sa WVRAA 2023 ang nagbaton sang insentibo kon sa diin 13 Regular Athletes (Individual)- Gold Medalists ang nagbaton sang tig-P6,000; 1 Special Athlete (Individual)- Gold Medalist- P3,000; 1 Regular Athlete (Team) -Gold Medalist
-P13,000; 28 Regular Athletes (Individual) Silver Medalists naman ang ginhatagan sang tig P4,000 kag 10 Regular Athletes (Team) Silver Medalists ang may yara sang tig-P10,000. Sa 2023 Palarong Pambansa, 5 Regular Athletes (Individual)- Gold Medalists ang gintugyanan sang tig-P15,000; 1 Special Athlete (Individual)- Gold Medalist- P6,000 kag 3 Regular Athletes (Individual)- Silver Medalists ang ginhatagan sang tig- P10,000. Duha naman nga Capiznon Athletes ang nagtib-ong sang ngalan sang probinsya sa
ASEAN Sea kag Asian Games 2023 kon sa diin ang isa nga nakaangkon sang Silver Medal ang gintugyanan sang P30,000 kag ang isa naman ka nakakuha sang Bronze Medal and may P15,000. Samtang, malipayon nga ginbaton naman sang 180 ka mga atleta nga Bronze Medalists sa WVRAA kag
Palarong Pambansa ang ila tagsa ka Plaque of Recognition.
(Capiz Provincial GovernmentCommunications Group)
