Bisan ano nga hilikuton, nagakadapat lang nga bukas ang komunikasyon. Bukas
ang tanan nga anggulo para sa tanan nga may kahilabtanan sa hilikuton.
Naobserbahan sang media nga madamo sing aspeto nga may daku nga
kakulangan sa komunikasyon:
- Sa ID nga ginhatag sa mga media, may discrimination na kay may color
coding.
Ang iban, pwede makasulod. Pero ang iban, indi pwede. Ano ang pulos
sang ID kon indi man lang magamit sa importante nga hilikuton sang
selebrasyon?
Kon makasulod man ang media, didto sa malayo sa aksyon ang ila
ginhamtangan. Paano makakuha sing mayo nga anggulo kon mag-kodak
ang media kay didto ginlansang sa malayo nga distansya? - May mga pagkambyo sa mga aktibidades nga isa ukon duha lang ka media
ang ginpahibalo, ukon naga-umpisa na amo palang nagapahibalo, ano pulos
nga ipaagi sa media partners group chat? - Wala sing may ginpanagtag nga press kit sa tanan nga importante nga mga
hilikuton. - Daw nagpatugmahanon nalang kita sini. Pareho sang Maragtas parade,
wala sing press kit ang media. Subong man sa Hangaway kag Lin-ay
Pageant, wala sing mga detalye nga ginpanagtag sa media. - Naga kinahanglan pa bala kamo sang Press agud magpa-abot sa mga
Capisnon?
Sa akon eksperhensiya, sa Iloilo Dinagyang Festival kag Bacolod Masskara
Festival, before and after the celebration, may press con. Few days before
sang festival, may press kit nga ginapanagtag sa media.
Sa sulod sang press kit, para sa Lin-ay pageant, yara ang listahan sang
kandidata sa Lin-ay, kada isa may Kodak kag may backgrounder ukon bio
data, criteria, prizes ang judges.
Sa cultural parade, nasulod sang press kit ang listahan sang tagpasakop sa
parade, diin masugod kag diin ang sampotan, ang rota sang parade, mga
performance areas kon diin nahamtang, mga judges sa kada performance
area, kag ang criteria sa pagpili sa pinakatahom nga tagpasakop kag mga
premyo.
Palareho lang ang gina-issue nga ID sa kada media kag open ang media sa
tanan nga areas.
- Indi manigar nga may gina-imbirtar nga national media, kag may naga-
alabotan nga media gikan sa iban nga mga lugar. Pero wala ginapabay-an
ang local media. Tanan nga print media may ads ang local government,
samtang sa broadcast, ginapa-agi sa KBP ang sponsorship, gani halos tanan
nga radio stations may tingob nga broadcast sa coverage sang mga
aktibidades. So everybody is happy.
Diri sa Capiztahan 2024, daw nagapanglaghap ka sing detalye kay wala sing
may makasabat.
Anyway, madamo kuno ang mga vloggers nga nag-cover sa ila kag may
Press Bureau pagid sila. Kondi tani, malapad ang ila publicity kag
promotion.
Kon amo sini siguro, basi indi na nila kinahanglan ang Capiz Mainstream
Media.