Dugang nga pundo nga ginhinyo sang gobernador pagatun-an sang SP

GIN-TUGYAN ni Vice Governor Jaime “Mitang” Magbanua sa natungdan nga komitiba sang Sangguniang
Panlalawigan (SP) ang hinyo sang gobernador nga dugang nga pundo nga naglab-ot sa P79,106,780.

Suno kay Magbanua, kinahanglan nga mareview kag matun-an sang committee on appropriations, nga ginapamunuan ni Board Member Besa, ang amo nga request sang Office of the Governor.

Sa sulat nga nabaton ni Magbanua, gin-certify nga urgent ni Governor Esteban Evan Contreras ang request sang supplemental appropriations funds para gamiton sa pila ka mga galastuhan sang provincial government.

Kuhaon ang pundo sa savings sang probinsya kasubong sang: 2019 Surplus, 2021 COVID-19 Response Fund, 2021 Savings on Procurement of Goods & Services, 2021 GAD; and Personnel Savings.

Kun ma-aprobahan, ang supplemental budget gamiton sa sweldo sang mga job orders kag casual employees sang mga ospitals, drugs and medicines expenses, medical, dental and laboratory supplies, repair and maintenance of
machineries and equipment, fuel, oil and lubricants, kag food supplies.*