Nakipagistorya ang bag-o nga hepe sang Department of Public Works and Highways (DPWH) Region VI OIC Director nga si Joel Limpengco kay Governor Fredenil Castro kag Roxas City Mayor Ronnie Dadivas.
Nangayo bulig si Dadivas para mapondohan ang pila ka mga proyekto pareho sang pagpakay-o sang river control sa Lapu-Lapu St., rehabilitasyon sang Capiz Bridge, rehabilitasyon sang Circumferential Road sa Dayao, pagpatindog sang bypass road kag tulay sa Brgy. Tanque to Arnaldo Blvd., Dredging Operation sa Culasi Port, Walking Bridge, kag iban pa.
Naghambal si Limpengco nga mabulig siya sa mga proyekto nga ini.
Gindiskusyunan naman nanday Limpengco kag Castro ang Panay River Basin Integrated Development Project (PRBIDP) para sa flood control, kag ang Circumferencial and Coastal Road Project ukon Hitting 17 Birds with 1 Stone Project nga para sa pagkonekta sang siyudad sang Roxas kag mga banwa sang Capiz para sa negosyo kag turismo.
Nagupod man kay Limpengco sanday Assistant Regional Director Jose Al Fruto, 1st District Engineer Cecil Lawrence Cruz, 2nd District Engineer Gerry Parra, Assistant District Engineer Hanzel Samson, kag PDS Chief Marilou Zamora.
Bangud sa pagretiro ni Engr. Sonny Boy Oropel, si Limpengco na ang bag-o nga regional director.
(mga laragway kag impormasyon halin sa CPGCG kag RCCG)
