BESHIE KATE
Hindi ko na siya tani gusto. Pero ako ang iya gusto bisan may nabusong na sa nga iban. Hindi ako kabalo kon ano akon himuon. Ako si Christie, 25, Capiznon nga gatrabaho sa Iloilo, kag ini ang sikreto sang akon sugilanon.
Denver ang pangalan sang lalake nga naila sa akon. Naging officemates kami before ugaling nagresign ako bangud sa conflict sang feelings namon sa isa’t-isa.
Nasal-an ako nga ginaagaw ko si Denver sa nobya niya. Grabe ang hakig sang babayi sa akon pero, actually, ang nobyo niya ya ang gapalapit sa akon kag siya ang bantay-sarado to the point na nasisindak na si Denver sa iya.
Pinili ko na lang nga mag-resign para wala gamo ugaling nagatinguha guid siya nga magpabatyag sa akon sang iya paghigugma. Palihim niya nga ginausar ang company phone para tawagan akon bisan wala na ako sa kumpanya.
A few months later, nahibaluan ko nga nagabusong ang nobya niya. Inako sang nobya kag ni Denver ang natabo pero hambal ni Denver nga wala na siya feelings sa nobya niya subong kay nadevelop gid feelings niya sa akon.
Nagabalibad na ang akon tagipusuon sa iya pero one day, nagkadto siya sa apartment ko kag naghambal nga ako guid ya iya gusto. Dira nagbalik ang feelings ko sa iya.
Beshie Kate, ako man ang nagapalagyo sa iya kay hindi ko gusto nga waskon ang relasyon ni Denver kag sang iya nobya pero diretso na ni Denver kon sin-o iya pili-on di bala?
LAYGAY
May diretso guid man si Denver nga pilion kon sin-o iya gusto palangaaon bilang nobya pero dapat panindugan man niya ang pagiging amay sang bata.
Don’t feel guilty about what happened kay ka grabe na sang imo pagpaiway to the point na kinanglan mo na mag-resign. Dehado ka na, actually, kay nag-effort ka pa pangita trabaho.
