Pagkatapos sang mga insidente sang peke nga orders gamit ang iya ngalan, nagpahibalo si Roxas City Mayor Ronnie Dadivas nga pwede tawagan ang City Mayor’s Office sa 036-5201520 para i-report ang mga nasambit nga insidente.
Suno kay Dadivas, nakabaton na ang iya opisina sang mga report nahanungod sa peke nga orders sa iya ngalan sa mga lokal nga negosyo.
Ginahimo ang mga order nga ini nga wala sang intensyon nga magbayad ang naghimo sang peke nga order, kag ini ang ginakondena ni Dadivas.
Ginahinyo ni Dadivas nga hindi magbaton sang order nga gapakuno-kuno nga halin sa iya ukon sa iya opisina.
(Impormasyon halin sa FB page ni Mayor Ronnie Dadivas)
