Maga-apela pinaagi sa motion for reconsideration sa Commission on Elections (Comelec) en banc si President Roxas Mayor Receliste Escolin pagkatapos nga ginkanselar ang iya nga certificate of candidacy.
Ang petisyon sa pagkanselar sang kandidatura ni Escolin gin-file nanday Richard Baltar kag Arnulfo Degala bangud sa material misrepresentation.
Hambal kagaina (Hulyo 15, 2025) ni Escolin sa Facebook livestream nga wala pa niya nakumpleto ang iya ikatatlo nga termino bangud sa suspensyon sa iya sang Pebrero tubtob Mayo 2024.
Dugang ni Escolin, hindi pa final kag executory ang desisyon sang Comelec, kag siya man gihapon ang mapungko bilang mayor sang President Roxas.
Pero kung hindi siya magin madinalag-on sa iya pag-apelar, hambal ni Escolin, patihon niya ang rule of succession.
Kung ma-kanselar gid man ang iya kandidatura, hambal ni Escolin nga apin man niya ang mabulos.
Ginaekspektar man ni Escolin nga maabot sa Supreme Court ang petisyon kung maging pabor sa iya desisyon pagkatapos sang motion for reconsideration.
