Subong nga administration ni Governor Atty. Fredenil Castro kadamo sang ginbag-o. Umpisa sa pagpang-baton sang mga tawo nga mangin katuwang niya sa iya pagpanerbisyo sa mga Capizeno, pag edukar sa mga batasan sang empleyado, ang pagpaninlo sa kapitolyo, ang oras sang trabaho pati pagsuksok sang ila mga uniporme, ginisaisa gid ini himay-himay sang aton gobernador agud ihatag ang maayo kag madasig nga serbisyo sa mga pumuluyo nga nagasulod sa aton Kapitolyo.
Pareho sang mga hepe sa tagsa ka opisina. Daw halos tanan mga abogado. Umpisahan naton syempre
ang aton gobernador Atty. Fredenil Castro, Provincial Administrator Atty. Arthur Ike John Binas, Human Resource and Management Officer (HRMO) kag Provincial Information Officer (PIO) Atty. Luvim Amores, Provincial Legal Officer kag officer-in-charge sang Capiz Environment and Natural Resources (CAPenro) Atty. Leobeth Delicana- Deslate, Local Disaster Risk Reduction Management Officer (LDRRMO) Atty. Sheila
Arenajo-Artillero kag Provincial Task Force on Quarrying Head Atty. Myra Yngcong.
Madamo gid sini ang natingala kag nagapamangkot?
Ang iban, ila hala agud paimbistigaran ang mga ginimplementar nga mga proyekto sang administrasyon?
Ang iban naman ang hambal tungod malapit ang taguipusuon ni governor sa mga abogado tungo sya mismo abogado?
Kon ako ang pamangkoton, syempre manami gid man ang damo nga abogado sa imo luyo,
madamo ka nga pamangkutan pag abot sa mga laye.
Isa na dira ang pag implimentar nga mga proyekto kon ayhan wala ka bala nagalapas nga laye?
Amo man sa pagdisiplina sang mga empleyado.
Kinahanglan gid man nga abogado ang ibutang dira, agud mabal-an ang ila nga mga kinamatarong bilang empleyado.
Ako pabor gid nga madamo ang abogado sa Kapitolyo!*
