Pwerte nga mga pakulo ang nasaksihan sa tion sang pag file sang Certificates of
Candidacy (COCs) sang mga tao nga nagatuyo magpadalagan sa Mayo 2025 nga
eleksyon.
Diri sa Capiz, una nga nag file sang COC amo si Christopher Degala Barrio nga
madalagan bilang gobernador. Ang 36-anyos nga mangunguma kag pumuluyo
sang Brgy. Lanot, Roxas City.
Sun okay Barrio, iya tuyo nga tapna-on ang lapnagon nga kinawatay sa gobyerno.
Wala sing “fanfare” ang pag file niya sang COC sa Robinsons Roxas.
Apang iban ang senaryo sa pag file ni Cong. Howard Guintu sang Pinuno Partylist.
Ang mga sumalakdag ni Guintu nag convoy upod sa iya sa nag file siya sang iya
COC para congressman sa una nga distrito sang Capiz.
Gin updan si Guintu nanday Mayor Receliste Locsin sang President Roxas, Mayor
Labao sang Mambusao, anay mayor Jojie Avelino sang Pontevedra , anay
gobernador sang Tony del Rosario, Board Member Pepe del Rosario, kag
madamo pa.
Daw ginlabugay ang Robinsons Roxas bangod sa singgitan sang iya mga
sumalakdag: “Cong Howard! Cong. Howard! Cong Howard!”
Na hualt pang ang pag file sang One Capiz nga mga kandidato, ilabi na si Paolo
Roxas nga kandidato para congressman sa una nga distrito sang Capiz.
Sa pihak nga bahin, may return bout ayhan sanday Gob. Castro kag anay
gobernador Nonoy Contreras? Mahibaloan ini bag-o magtakop ang filing sang
COC sa Oktubre 8.
