SIYUDAD SANG ROXAS—Nagahilibion samtang ginainterview sa isa ka istasyon sang radyo diri ang nag-back out nga kandidata sang Capiz para sa Miss Universe Philippines (MUP) nga si Mariam Lara Ashraf.
Suno saiya nadula na kuno ang iya handum nga makatapos sang iya pag-eskwela.
Sa karon, ginabasol ni Ashraf ang organizer sang Miss Universe Capiz nga sanday Cocoy Vidal kag Charly Distor tungod ginpromisahan kuno ini siya nga sila na ang bahala sa iya eskwelahan samtang nagtraining
ini sa Metro Manila agud magpasakop kon tani sa Miss Universe Philippines.
Suno pa kay Ashraf nga nag-back out na lang siya tungod umpisa sang nga naglakat sila sa Manila upod ang iya iloy, puros lang kabudlay ang ila naagyan.
Wala kuno sila sang ilistaran kag kulang ang suporta—halin sa kwarta kag mga kinahanglanon nga gamit
sa pagpasakop sa MUP. Gani nagdesisyon na lang siya nga mag-back out.
Ginsabat naman ini sang isa sa mga manager ni Ashraf nga si Charly Distor.
Suno kay Distor nga indi man kuno nila sala nga wala si Ashraf ka pasar sa iya eskwelahan kay umpisa first
semester last year wala na ini nakabayad sang iya tuition.
Ginpanginwala man ni Distor nga indi opisyal nga candidate si Ashraf sang probinsya sang Capiz—tungod si Distor lang ang naglaong kag Gov. Nonoy Contreras nga si Ashraf na lang ang paentrahon sa MUP.
Ginsabat ni Governor Contreras nga nakahatag naman sila sang financial assistance kay Ashraf nga nagalab-ot sa fifty thousand pesos (P50,000).
Kag indi na kuno makahatag ang probinsya sang masobra pa dira tungod wala na kuno ina sa budget nila. Suno pa sa Capitol, ang gina-priority nila amo ang pandemya.
Sa aton nakita nga mga manager ni Ashraf, daw mga joven pa ini sila. Indi lang ko sigurado kon ano kalayo ng experience nila sini sa paghawid sang kandidata nga magpasakop sa amo sini kadako nga pageant?
Pirmi lang ang akon nakita amo ini ang Lions’ Club ang nagapatigayon sini. Ambot kon ano natabo—ngaa man lain na ang naghawid kay Ashraf?
Pero madamo pa man tsansa, Mariam, ah! Siling gain nila sina, “Go, go, go lang!”
Hasta malab-ot mo imo mga handum.
Better luck next time!
