Moderno nga gamit sa panguma, i-donate sang Philmech sa Capiz

Nasari-sari nga mga agricultural machineries kag post harvest facilities ang natalana nga batunon sang Capiz provincial government halin sa Philippine Center for Postharvest Development and Mechanization (Philmech).

Ginpahayag ni Vice Governor James Magbanua nga dako nga bulig para sa sector sang agrikultura sa Capiz ang ining mga moderno nga gamit pang-panguma.

Suno kay Magbanua, bilang isa man ka rice trader, iya gid handum nga may world class nga equipment ang mga mangunguma sa Capiz.

Ini ang rason nga gintinguhaan nila sa Sangguniang Panlalawigan nga mapasar ang Resolution No. 644, Series of 2021.

Sa sini nga resolusyon nga gin-author ni Board Member Eleuper Martinez, ginahatagan otoridad sang Sanggunian ang Capiz Provincial Government kag PhilMech nga magsulod sa isa ka Memorandum of Agreement (MOA) para sa donasyon sang mga agricultural machineries kag pos-harvest facilities.*