Gina-schedule na sang Metro Roxas Water District (MRWD) ang pagbukas sang bag-o nila nga pasilidad sa Barangay Culasi, Roxas City pagkatapos nga naging maayo ang resulta sang ila testing sang pasilidad sang Hulyo 2, suno sa nasambit nga service provider.
“The testing was a success and the actual operations of the facility will be scheduled on a sooner date by the Management,” suno sa MRWD Information Office Facebook page.
Ang MRWD facility sa Culasi ang gindisenyo para gamiton ang 1,000-cubic meter (m³) reservoir nga yara na nga daan kag para panamion ang water pressure sa nasambit nga barangay kag sa mga kaingod sini nga lugar.
Ang nasambit nga pasilidad ang may ara sang ground cistern nga sarang makahawid sang 200 m³ nga i-pump dayon pakadto sa reservoir sa mga indi masako nga oras.
Ang tubi nga natipon ang paguwaon dayon sa mga oras nga mas damo ang nagagamit sang tubi para maging mas manami ang water pressure para sa mga konsumidor.
Ginpangunahan ni MRWD General Manager Atty. Dante A. Arcangeles ang testing sang pasilidad.
(Impormasyon kag laragway halin sa MRWD)
