Nagataas kaso sang suicide

Suno sa mga taga Department of Health (DOH) kag Capiz Provincial Health Office (PHO),
balantayan ang kaso sa pag-pakamatay ukon suicide diri sa Capiz bangod nagataas.
Sa ging hiwat nga Suicide Prevention Forum sang nag ligad nga Sept. 10, si Dr. Sta. Lucia sang
DOH Regional Office kag Dr. Alex Nolasco sang Capiz PHO nag tugyan nga dapat panubo-on
ang mga kaso sang suicide sa probinsya.
Suno sa report sang Police Regional Office (PRO-6), may 16 ka kaso sang suicide sa Capiz halin
Enero tubtob Agosto sini nga tuig.
Ging presenter man ang numero sang kaso sang suicide sa nagliligad nga mga tinuig:
2023 – 48
2022 – 32
2021 – 29
2020 – 36
2019 – 38
2018 – 26
2017 – 19
2016 – 49
Kadamoan sang nagkomitir suicide sa Capiz naga edad 15 tubtob 29 anyos.
Kadamoan nga kaso nagalakip sang mga lalaki kag paagi sa pag gamit sang lubid ukon pisi.
Masami nga kabangdanan sang pag suicide amo ang problema sa pamilya kag iban pa.
Mga palatandaan nga nagatuyo mag suicide ang tawo:

  • wala gana magkaon
  • indi makatulog sang insakto
  • pirme naga pangakig
  • daw naga pamilin-bilin kon maghambal
    Para mabuligan ang tawo nga may amo sini nga palatandaan, ang pamilya mismo magpakita
    sang paghangop sa iya kakilala.
    Labi sa tanan, mangayo bulig sa propesyonal.
    Diri sa Capiz, si Dr. Lea Sicad nagatanyag sang libre nga konsultasyon kada Martes sa Roxas
    Memorial Provincial Hospital.