Pasado na sa Capiz Sangguniang Panlalawigan ang paghatag sang P3,000 bonus para sa mga kontraktwal nga empleyado sang probinsiya sang Capiz.
Sa resolusyon nga gin-aprubahan sang bug-os nga mga katapo sang SP sa pagpanguna ni Vice Governor James “Mitang” Magbanua, gin-aprubahan sini ang pag-realign sang pondo gikan sa talatapan sang provincial governor nga may kantidad nga P7,500,000.
Una na nga ginpahayag ni President Rodrigo Duterte ang paghatag sang indi magsobra sa P3,000 nga bonus para sa mga casual, contractual kag job order workers sa gobiyerno bilang gratuity pay.*
