Mag-agi agi sa mas maid-id nga proseso ang mga aplikante para sa trabaho sa gobierno probinsyal bangud sa pag-reconstitute sang Human Resource Merit and Promotions Selection Board.
Maga-agi sa initial assessment sa Human Resource Management Office kag interview sa Personnel Selection Board ang mga aplikante.
May tatlo dayon nga qualified nga i-shortlist nga aplikante. Hambal ni Concurrent Provincial Government Human Resources Officer kag Information Officer Atty. Luvim Amores, indi porket number 1 na ang aplikante sa shortlist, siya na ang pagapili-on kay i-review pa ang mga aplikasyon ni Governor Fredenil Castro, ang chairman sang board.
Pagabasehon ang aplikante sa merit kag fitness sa trabaho, hambal ni Amores. Sang nagligad nga Sangguiang Panlalawigan session, ginaprubar ang hinyo ni Castro nga i-reconstitute ang Human Resource Merit and Promotions Selection Board.
Ang nasambit nga pag-reconsitute ginhimo para sa transparency, objectivity kag meritrocacy para sa pagpili sa inug-pasulod kag inug-promote sa capitol. Magatal-os bilang alternate chairman sang board si Provincial Administrator Arthur John Biñas.
Miyembro man sang board si Vice Governor Jaime Magbanua, ang Sangguniang Panlalawigan, HRMO, kag iban nga department heads.
