Kon hambalan ka nga sayop ang imo buhat, pasalamat ka.
Natingala lang ako, ngaa may mga tao nga kon hambalan tuhoy sa sayop nga ila
buhat, bangod nagakabalaka ikaw sa iya, kuntano dapat mo pasalamatan kay imo
ina halintang padulong sa kadalag-an. Indi ka magpakita sang negatibo nga
reaction.
Ukon maghimo sang tikang sa paghingabot kag pagpakalain sa tao nga nagtawag
sang imo igatalupangod, bangod nagapakita ina sang imo bugal kag kina-iya nga
indi matudlo-an.
Ang negatibo nga reaction nagapakita nga ang ginhambalan nga tao, nagapati sa
iya lang kaugalingon nga mas matarong kag labaw siya sang sa naghambal sa iya.
Amo ina ang ginasiling nga MBS: masyadong bilib sa sarili.
In short, you are unteachable.
Kon basihan sa Balaan nga Kasulatan, katungdanan mo ang pagtawag ukon
paghatag correction sa isa ka tao nga nahibaloan mo sayop ang iya buhat.
Kon imo pabay-an ang iya malain nga buhat kay nagalikaw ka sang negatibo nga
reaction, salabton mo sa langit ang iya kalag.
Pero kon ginhambalan mo sia, kag indi sia magpati, wala ka na sing salabton sa
Dios, samtang siya magapabilin ang iya kalag sa lawod sang kalayo.
It takes two to tango. Indi mo makita ang imo diperensya kon indi ka
paghambalon sang iban.
Kag kon sin-o man ang may korason sa pagtawag sang imo igtalupangod tuhoy sa
imo sayop, ina nga tao, sinsero sa imo, bilang abyan ukon kadugo.
Indi sya sing plastic kag wala nagapakuno-kuno . Sa malip-ot nga pulong, tampad
siya sa imo.
Gani, kon may magtawag sang imo igtalupangod tuhoy sa imo kasaypanan,
pasalamatan mo.
Indi ka mangakig. Indi mo pagpakala-inon. Ano man ang sahi sang iya
personalidad, may kina iya siya nga wala sa imo. Indi paglantawa kon ano ang iya
pagkatao, talupangda ang iya pagkabalaka nga magabulig sang imo kadalag-an
sang imo kapalaran.