Nakigsapol ang 32 tanan ka mga pumuluyo sang Brgy. Najus-an, banwa sang Mambusao kay
Governor Fredenil Castro agod idangop ang ila problema sa duta sa nahinambitan man nga
barangay.
Kaupod ang Department of Environment and Natural Resources (DENR) kag Department of
Agrarian Reform (DAR), ginpangabay sang mga pumuluyo ang panugda sang Gobernador
nahanungod sa ila ginapangatubang nga problema sa ila gina-uma nga duta.
Wala naman magduha-duha ang Gobernador nga ipakigbahin ang iya pagkasampaton sa layi
kag gintapos ang sinapol sa pag-ugyon ang DAR kag DENR sa pagbulig sa mga pumuluyo
sang nasambit nga barangay.
