Pondo sang probinsiya sang Capiz para sa tuig 2021 aprubado na sang Sangguniang Panlalawigan.
Nangin unanimous ang pagpasa sang Capiz Sangguniang Panlalawigan sa pagpanguna ni Vice Governor James “Mitang” Magbanua sa Appropriation Ordiance 104 nga nagatalana sang kapin sa P1,965,966,659.19 nga annual performance budget sang probisniya sang Capiz sa tuig 2021.
Sa amo nga pondo kapin sa P714,405,060.00 ang nakatalana sa personnel services ukon 36.34%; P654,151,811 ukon 33.27% para sa maintenance and other operating expenses (MOOE); P12,659,769 ukon 0.65% para sa capital outlay; P316,700,000 ukon 16.11% para sa development project; kag P268,050,019 o 13.63% para sa other purposes.
Kabahin sa paga-pondohan sa idalum sang other purposes amo ang calamity fund nga P98,500,000 ukon 5% sang regular income; Gender and Development nga may kantidad nga P98,500,000; ayuda para sa 473 ka mga kabarangayan nga may kantidad nga P473,000,000 ukon tag isa ka milyon kada barangay; terminal leave benefits nga P15,577,019.19; peace and order – P5,000,000; provincial counterpart to CMGP Projects – P28,000,000; COVID-19 response – P20,000,000; kag support to CSOs nga P2,000,000.*
