Naghatag ang local government unit (LGU) sang Roxas City sa liderato ni Mayor Ronnie
Dadivas sang annual financial assistance para sa personnel sang Department of Education
(DepEd-Roxas City Schools Division).
Si Vice Mayor Inday Teresa Almalbis ang nag turn-over sa DepEd-Roxas City Schools Division
sa liderato ni Dr. Roel Bermejo, ang schools division superintendent.
Ang 1, 672 ka teaching kag non-teaching personnel naka baton sang financial assistance nga tig
P3,500.
“Ang financial assistance ang gintugyan naton sa ila nga annual assistance sang City
Government bilang pagkilala kag pagpasalamat sa ila daku nga kontribusyon, serbisyo kag
dedikasyon sa paghatag sang kalidad sang edukasyon sa aton mga kabataan sa Roxas City,”
hambal ni Dadivas sa iya Facebook page.
Naka hakot ang DepEd-Roxas City Schools Division sang 22 ka awards sa ginhiwat nga 2023
CIRCLE Award o Curriculum and Instruction Regional Champions for Learning Excellence.
Kalakip diri ang pag deklarar sa DepEd-Roxas City Schools Division nga Top Performing
Schools Division kag Most Learning-Focus Division.
