Magapasar ang Sangguniang Panlungsod sang ordinansa para sa pagdumili sang pag-agi sang mga mabug-at nga salakyan partikular sa six-wheeler trucks sa Capiz/Roxas City bridge.
Ang nasambit nga tikang halin sa executive order ni Mayor Ronnie Dadivas nga ginpaguwa sang Hunyo 13, 2025 nga may pareho nga pagbawal.
Nakita-an ang mga depekto sang Capiz/Roxas City bridge sa isa ka meeting sang city government kaupod ang DPWH 1st Engineering District, partner agencies, law enforcers, truckers, media, kag mga barangay official.
Igaduso sang DPWH ang pagpakay-o sang tulay sa 2026.
Masobra na sa isa ka siglo sang gintukod ang Capiz/Roxas City Bridge.
(Mga laragway halin sa RCCG)
