Nadakpan ang duha ka suspetsado sa pagpangawat sa Arnaldo Boulevard, Barangay Baybay, Roxas City sang 2:49 p.m. kagapon—lima ka minuto pagkatapos sang pagtawag sa 911 sang iloy sang biktima nga ginkawatan sang cellphone.
Gindala ang duha ka suspek sa Roxas City Police Station para pasakaan sila sang kaso.
Sang Hulyo 10, nagkadto si Police Regional Office – 6 Acting Provincial Director PBGen. Josefino Ligan sa Capiz Police Provincial Office (CPPO) kag nagpromiso sa publiko nga magaresponde ang mga pulis lima ka minutos pagkatapos sila tawagon.
May demonstration pa sa command center sang CPPO kung paano mahimo ang 5-minute quick response pakadto sa People’s Park sa Barangay Baybay. (See video here)
Kabahin ini sa mandato sang gobierno nasyonal para sa mas madasig nga pagresponde sang pulis kag mas malinong nga palibot.
