Roxas City, Capiz— Nagpahanumdom si Capiz Vice Governor James “Mitang” Magbanua sa mga pumuluyo nga balikdon ang mga kubos kag mga nagakinahanglan labi na ang mga kabataan karon nga panahon sang paskwa.
Suno sa bise gobernador, sa pihak sang kabudlay sang pangabuhi bangud sa mga kalamidad kag Covid-19 may yara nga mga kubos nga mga pumuluyo nga labi nga naga antos kag kulang sang pagtamod nga kinahanglan buligan. Ini ang nangin mensahe ni Magbanua sa ginhiwat nga 34th Installation of Officials and Charging of new members sang Kiwanis Club of Roxas City sang nagligad.
Suno kay Magbanua: “We celebrate Christmas to give honor to the child Jesus, indeed Christmas is for children. But how many children are suffering from loneliness, lack of education, deprived of opportunities to build their dreams and a chance to fulfill those. We can see them anywhere, which very often being neglected and abandoned”.
Ginpasalamatan man sini ang mga opisyales kag miyembro sang Kiwanis Club of Roxas City bangud sa mga serbisyo kag programa nga ginahatag para sa mga kabataan nga kubos.
Dugang sang bise gobernador: “If we truly care for the future of this country, we must start investing our effort and resources to our young people and help build their dreams. In doing so, we are creating a better community. Our future and our children’s future”.
Sa pihak nga bahin, ginhatagan man sang pagtamod sang bise gobernador ang ka-importansiya sang pagbinuligay labi na gid sa tunga sang mga pribado nga sector kag sang gobiyerno. Labi nga mas kinahanglan suno sa iya ang bulig sang tagsa tagsa agud liwat nga makabangon ang ekonomiya sang probinsiya kag liwat nga magpanumbalik ang kapasidad sini nga makahatag sang benipisyo sa mga pumuluyo paagi sa mga programa.
Sa iya mensahe sa ginhiwat nga oathtaking sang mga opisyal sang The Capizenio Farmers and Livestock Producers Association sang nagligad nga Sabado, iya nga ginpangabay sa grupo nga pakamaayuhon pa ang operasyon sini agud mas madamo pa ang mabuligan labi na ang mga magagmay nga mga negosyante.
“Sa tunga sang kabudlay sang pangabuhi sa karon, ang pagbinuligay ang isa lamang sa dako nga bagay nga makahatag sa aton sang kusog kag kabakod agud liwat nga makabangon. Nobody can do it alone, your government will be having a hard time performing its function if people do not want to cooperate, you see, your government can only do so much but at the end of the day it is still the people who will decide and work for his success,” ang pahayag ni Magbanua.
Gina lauman man ni Magbanua nga sa mga pagtinguha sang grupo mas mapalapad pa ang ila masakop kag mabuligan labi na ang farmers and livestock industry sa probinsiya nga mangin produktibo kag mapag-on sa posible pa nga mga kalamidad nga magaagi sa palaabuton.*
