Kon aton matandaan sang 2022 Presidential election, ang nagda-og nga jingle kag slogan amo ang Bangon Pilipinas ni President Ferdinand Marcos Jr. sa idalum sang Partidong Federal ng Pilipinas.
“Panahon na ng pagbabago at iayos ang mga dapat ayusin. Gawin ang pagbabago, Patungo sa pag asenso,” Kanami pamati-an kaangay sang mga katipunero nga naggisi sang ila mga sedula kag nagsinggitan sang Kahilwayan, kita nga mga nagasinggitan man sang pagbag-o.
Apang ano ayhan ang mga pagbag-o sang ginahatagan sang mga Pilipino nga makapungko si BBM bilang Presidente? May nabatyagan gid man nga pag-asenso?
Madamo nga mga Pinoy ang nakatalupangod sang mga masunod nga nagtuhaw sa administrasyon ni BBM:
- Confidential fund ni VP Sara nga naglab-ot sa P125-Million. Wala niya mahatagan sang maathag nga sabat.
- Tig Php20 nga kada kilo sang bugas , nakabakal man kamo?
- Ang pagdakop kay pastor Apollo Quiboloy nga leader sang Kingdom of Jesus Christ.
- Ang pagdakop kay former President Rodrigo Duterte kag pag-turn-over sa ICC sa the Hague, Netherlands
- Ang pag-boxing for a cause ni Gen. Nicolas Torre III nga wala sang kontra. May naganar gid man sa?
- Ang Flood Control Project kon sa diin naglab-ot sa Php 100 Million ang involve nga kwarta halin sa kaban sang gobyerno. Ayhan mahatagan pa sang hustisya ang kwarta sang mga Pilipno?
- Ang pagpagwa sang listahan ni suspended Ako Bicol Party List Congressman Zaldy Co kag pagtudlo kay Pres. Marcos kag anay House Speaker Martin Romualdez nga mastermind sa milyon-milyon nga palpak nga mga flood control project. Ano ayhan ini kamu-od? Sya gid man ayhan ato ang gahambal ukon Artificial Intelligence lang?
- Atong mga madamo nga bag-o nga mga maleta nga suno kay Cong. Zaldy Co nga ginhatag niya kay Romualdez kag PBBM, may unod gidman ayhan ato?
- Ang rebelasyon ni Sen. Imee Marcos sa prayer rally sang Iglesia ni Cristo, may kamatu-uran ayhan? Ukon drama lang?
Madamo ang ginbag-o apang ano ang epekto sini sa aton nasyon? nakabulig bala ini para sa ikaayo sang mga Pilipino?
Obserbasyon lang mga kapemates, nagnubo nagid ang paglantaw sang iban nga pungsod sa aton. Tungod sining mga korapsyon sang mga matag-as nga opisyal sang gobyerno nga kaalyado sang pangulo.
Hay Sin-o-sin-o pa nga mga dalagko nga negosyante ang magnegosyo diri sa aton kon imbitaran sang aton president? Kay korupsyon palang lagbong na ang mga pilipino. Dugangan pagid sang ginhambal ni Sen. Imee Marcos nga adik ang aton president. Sin-o pa masalig sa mga Pilipino?
Gani wala gid sang pagbag-o, kundi manumdum nalang kita paano makabangon ang mga Pilipino.
