Linyada ni Contreras kag Labao para sa 2022 nga eleksyon plantsado na?

Sang nagligad nga bulan, kada kadto ko sa mga munisipyo sa Segundo Distrito sang Capiz ginasugata ako sang mga dalagko nga streamers kag tarpaulins nga nagapanamyaw sang Merry Christmas and a Happy New Year halin kay Governor Nonoy Contreras kag Mayor Leodegario Labao, presidente sang League of the Municipalities sang Capiz.

Kon inyo naobserbahan nga matunog ang ngalan ni Mambusao mayor kag LMP President Leodegario nga nga madalagan ini sang Congressman sa Segundo Distrito upod sila sa linyada ni Governor Nonoy Contres.

Sang Dec. 17, 2020, didto sa blessing sang bag-o nga Munisipyo sang Mambusao ginhambal ni Mayor Labao nga plastado na ang ila linyada sa mga kabanwahan pareho sang Tapaz, Dumalag, Dumarao, Cuartero, Dao, Sigma, Sapian kag Ivisan.

Suno pa kay Labao nga ginahatag sa iya ni governor Nonoy Contreras ang poder nga magpili sang ila mga kandidato nga mayor sa Segundo Distrito.

Kag ang ila mga napili na nga mga kandidato amo ang mga masunod: Sa Banwa sang Ivisan, ila napili nga mayor amo si Zenny Chapman kag c Jeros Peueña. Sa Sapian, si Julius Orillos ang mayor kag Jonathan Gallardo ang vice mayor.

Sa Jamindan, ila mayor amo si Ildy Cusay kag Atty. Audie Advincula ang vice mayor. Sa Tapaz naman, sigurado naman si Mayor Labao nga maapin sa ila si mayor Roberto “Nonong” Palomar kag Vice mayor Ma. Fe Gardose. Sa Dumalag naman, si Bodong Fermalino ila mayor, wala pa vice mayor. Sa Dumarao, si Biboy Benjamin ang mayor kag basi man kuno si Edgardo Arancillo ang vice mayor.

Sa Cuartero naman, si Roger Flores ang mayor kag si Tito Mayo naman ang vice mayor. Sa Dao, si Engr. Baruela kag ang sa Sigma, amo si Stephen Alayon ang mayor kag Thomas Lagunday ang vice mayor.

Apang sa banwa sang Mambusao, wala pa kuno sila sang gina endorse.

Anyway, malayo paman gani ang eleksyon, sigurado ako damo pa ini sang pagbalasa nga matabo sa mga linyada nila.

Bantayan ta!*