Pagyamanin ang Kaalaman ng mga Mag-aaral sa Panahon ng Pandemya

Sinusubok tayo ng panhon ngayon kung saan lahat tayo ay apektado ng malawang pandemya na kumitil sa libo-libong mga tao sa buong mundo.

Aminado rin tayo na dumating itong krisis sa Covid-19 na hindi natin inaasahan at hindi preparado sa kung ano ang mangyayare. Lalo na sa mga kabataan na apektado ng pandemya kung saan lahat ng paaralan sa bansa ay temporaryong nakasara upang mapangalagaan ang mga kabataan sa pagkalat ng pandemya.

Sa ngayon, distance learning approach ang pinakamabisang paraan upang maipagpatuloy ang pag-aaral ng mga kabataan. May mga gumagamit ng online approach at karamihan ay modular approach.

Kaming mga guro sa Filipino ay patuloy pa rin sa paglinang ng mga kaalaman ng mga mag-aaral kahit sa panahon ng pandemya. Mahirap man, ngunit ito’y kailangan at responsibilidad naming mabigyan nga magandang kinabukasan ang mga kabataan.

Narito kaming mga guro upang iganyak at magbigay ng inspirasyon sa mga kabataan sa pagpapatuloy ng kanilang pag-aaral sa panahon ng pandemya. Eto ang panahon upang sila ay makapag bigay ng pokus at oras upang mas malinang ang kanilang kaalaman sa ano mang bagay sa kanilang kapaligiran kasama ang kanilang. Sa panahong makabalik na tayo sa normal ay dito natin makikita kung ano ang pinag-iba at pinagbuti ng mga kabataan at kung ano ang kanilang natutunan sa panahon ng pandemya.

Ang pagtuturo ng asignaturang Filipino ay mahalaga dahil dito natin malilinang ang sariling atin, ang pagka-Pilipino at ating pagkakakilanlan. Bago tayo matuto ng ibang kultura at tradisyon, pagtuunan muna natin ang pansin ang pagmamahal sa sarili nating pagkakakilanlan.

Sa panahon ngayon, kailangan tayong magtulungan upang kahit papaano ay talagang mapayaman ang kaalaman ng mga kabataan sa panahon ng pandemya.